Şəmkir rayonunda yanğın qeydə alınıb.
Gencexeber.az-ın məlumatına görə, hadisə rayonun Sabirkənd kəndində baş verib. Kənd sakini, 1993-cü il təvəllüdlü Telman Əliyevə məxsus, sahəsi 60 kvadratmetr olan tövlədə qəfil yanğın başlayıb.
Alovun güclü olması səbəbindən yanğın yaxınlıqda yerləşən, 1978-ci il təvəllüdlü Fərqanə Məmmədovaya məxsus tövləyə də keçib.
Dərhal hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin yanğınsöndürən texnikası və canlı qüvvəsi cəlb olunub.
Yanğın nəticəsində Telman Əliyevə məxsus tövlə tamamilə yanıb. Tikilidə olan 30-a yaxın qoyundan 20-si yanaraq tələf olub.
Həmçinin, alovun keçdiyi Fərqanə Məmmədovaya məxsus, sahəsi 70 kvadratmetr olan tövlənin yanar konstruksiyaları da yanıb. Alovun qarşısı alınıb, yaxınlıqda yerləşən yaşayış evləri yanğından mühafizə olunub.
Hadisə zamanı xəsarət alan olmayıb. Lakin təsərrüfat sahiblərinə ciddi maddi ziyan dəyib.
Faktla bağlı aidiyyəti qurumlar tərəfindən araşdırma aparılır.
