Goranboy rayonunda bədbəxt hadisə baş verib.
Gencexeber.az məlumat verir ki, hadisə Dəliməmmədli şəhəri ərazisində yerləşən dəmiryol vağzalında qeydə alınıb.
İlkin məlumata görə, qatarın üzərinə çıxan 2014-cü il təvəllüdlü S.Ramazanovu elektrik cərəyanı vurub. Dəliməmmədli şəhər M.Zeynalov adına tam orta məktəbin 6-cı sinif şagirdi aldığı ağır xəsarətlər nəticəsində hadisə yerində həyatını itirib.
Hadisə yerinə polis və prokurorluq əməkdaşları cəlb olunub. Faktla bağlı Goranboy rayon Prokurorluğu tərəfindən araşdırma başlanılıb.
