Gəncədə məktəblilər üçün yeni layihə təşkil olunub. Bu haqda 11 mart tarixində “Steam Azərbaycan”a istinadən xəbər veririk.
“Yaşıl dünya naminə həmrəylik ili” çərçivəsində STEAM Mərkəzlərində yeni proqrama start verilib. "Yaşıl Həyat" adlı proqramda 12-16 yaşlı şagirdlər iştirak edə bilərlər.
Qatılmaq istəyən məktəblilər Gəncə STEAM Mərkəzinə yaxınlaşaraq qeydiyyatdan keçməlidirlər. Qeydiyyat prosesi 11-18 mart tarixlərində keçirilir.
Qeyd edək ki, mərkəz Fizika, riyaziyyat və informatika təmayüllü liseyin (Elbrus Allahverdiyev küçəsi) nəzdində fəaliyyət göstərir.
