Gəncədə küçələrdə aqrotexniki işlər görülür. Bu haqda 25 oktyabr tarixində MKTİB-yə istinadən xəbər veririk.
Payız-qış mövsümü ilə əlaqədar olaraq, park və xiyabanlarda, həmçinin yol və prospekt boyu mövcud olan ağacların budanması həyata keçirilir. İlkin olaraq, şəhərin Heydər Əliyev prospektində yol nişanlarının, işıqforların görünüş dairəsini məhdudlaşdıran ağacların qol-budaqları budanıb. Analoji işlər istirahət məkanlarında, insanların rahatlığına və hərəkətinə maneə yaradan ağaclarda da aparılır.
Aqrotexniki işlər Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən görülür.
Qeyd edək ki, qurum sürücülərdən və sakinlərdən işlərin aparıldığı ərazilərdə ehtiyatlı olmalarını xahiş edir.
[modula id="48644"]
