Gəncədə KOBİM tərəfindən təlim baş tutub. Bu haqda 23 oktyabr tarixində mərkəzə istinadən xəbər veririk.
"Öz biznesinə başla", "Biznes-planın tərtib edilməsi", "Biznesin qurulması və layihələndirilməsi" mövzularında maarifləndirici təlimlər keçirilib. Seminarların məqsədi işsiz və qanunla müəyyən edilmiş qaydada iş axtaran şəxslərin məşğulluğunun təmin edilməsi və sosial müdafiəsinin gücləndirilməsidir. Burada biznes ideyanın yaranması, biznes-planın xülasəsi, anlayışı və ümumi strukturu, sahibkarlıq subyekti haqqında qısa məlumat, təşkilati planın hazırlanması, maliyyə planı və analizi, layihə risklərinin qiymətləndirilməsi barədə danışılıb.
Tədbirdə, həmçinin mərkəzin eksperti tərəfindən biznesin inkişafında marketinq, biznesin hüquqi təşkilatlanması, bazarın öyrənilməsi və biznes ideyanın reallaşmasındakı əhəmiyyəti haqda məlumat verilib.
Qeyd edək ki, tədbirdə 7 nəfər iştirak edib.
