Gəncədə çalışan səhiyyə işçiləri Naftalanda səfərdə olublar. Bu haqda 29 noyabr tarixində Naftalan Şəhər Mərkəzi Xəstəxanasına istinadən məlumat veririk.
Naftalanda azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi haqqında görüş baş tutub. Burada Gəncə Şəhər Birləşmiş Xəstəxanasının direktorunun İlkin Səhiyyə Xidməti üzrə müavini Xalidə Sadiqova, Cavadxan Ailə Sağlamlıq Mərkəzinin şöbə müdiri Nurlana Zeynalova və mərkəzin pediatrı Sədayə İsgəndərova, Naftalan şəhər Mərkəzi Xəstəxanasının direktoru Samir Allahverdiyev, Ailə Sağlamlıq Mərkəzinin həkim və tibb bacıları iştirak ediblər.
Tədbirdə Xalidə Sadiqova ilkin səhiyyə xidmətinin xəstəliklərin erkən aşkarlanması, ana və uşaq sağlamlığının qorunması, ana və uşaq ölümünün minimuma endirilməsi, patronaj modelində tibb bacılarının rolu haqda danışıb.
Sonda tibb işçiləri ilə müzakirələr aparılıb və suallar cavablandırılıb.
