Gəncədə növbəti görüş təşkil olunub. Bu haqda 30 dekabr tarixində İcra Hakimiyyətinə istinadən məlumat veririk.
Qərb bölgəsinin yeniyetmə voleybolçuları Nizami yurdunda bir araya gəliblər. Tədbir Gəncə-Daşkəsən Regional Gənclər və İdman İdarəsinin təşkilati dəstəyi ilə Gəncə Regional Voleybol Klubu tərəfindən keçirilib. Görüş Gəncə Olimpiya Kompleksində baş tutub.
Burada klubun Gəncə, Mingəçevir və Naftalan şəhərlərindən və Daşkəsən, Goranboy və Samux rayonlarından olan üzvləri iştirak ediblər. Öncə “Gəncə” VK-nın fəaliyyətindən danışılıb.
Görüşə ümumilikdə 70 yeniyetmə voleybolçu qatılıb. Tədbirdə, həmçinin klub üzvlərinin məşq prosesi də izlənilib.
