Gəncədə növbəti premyera baş tutacaq. Bu haqda 13 fevral tarixində İcra Hakimiyyətinə istinadən məlumat veririk.
Tədbir Gəncə Dövlət Dram Teatrında keçiriləcək. Əbdürrəhim bəy Haqverdiyevin "Pəri Cadu" tamaşasının premyerası olacaq.
Səhnə əsərinin quruluşçu rejissoru teatrın Baş rejissoru Elşad Əhmədov, rəssamı Mehdi Hüseynovdur. Əsas rollarda Əməkdar artistlər Sevda Orucova, Kəmalə Məmmədova, aktyorlar Günay Cabbarova, Sevinc Hüseynova, Ruslan Hüseynov, Emil Salmanov və Elmir Məmmədov iştirak edəcəklər.
Premyera 14 fevral tarixində saat 18:00-da baş tutacaq. Biletləri teatrın kassasından əldə etmək olar.
