Gəncədə məktəblilər üçün kampaniya baş tutub. Bu haqda 4 dekabr tarixində Cüdo Federasiyasına istinadən məlumat veririk.
Kampaniya Azərbaycan Cüdo Federasiyasının həyata keçirdiyi “Söz verirəm” sosial layihəsi çərçivəsində təşkil olunub. Tədbir Fizika, riyaziyyat və informatika təmayüllü liseydə baş tutub.
Burada 100-ə yaxın şagird iştirak edib. Maarifləndirici görüşdə qısnamanın mahiyyəti, potensial təhlükələri və buna qarşı durmağın zəruriliyi haqda məlumat verilib.
Tədbirdə hər bir uşaq “Söz verirəm" sertifikatını imzalayıb, bu isə onların qısnamaya qarşı olduqlarını simvolizə edib. Həmçinin onlara məlumatlandırıcı bukletlər və bilərziklər təqdim olunub.
Kampaniyanın əsas məqsədi ölkəmizdə idmana olan marağı daha da artırmaq, cəmiyyətdə sağlam həyat tərzini təbliğ etməklə yanaşı, son zamanlar gənclər və yeniyetmələr arasında qlobal səviyyədə aktual olan qısnama (bullinq) mövzusuna toxunmaq olub.
