Gəncədə ədəbi-bədii gecə baş tutub. Bu haqda Gencexeber.az-a 4 dekabr tarixində məlumat daxil olub.
Gəncə Dövlət Filarmoniyasında “Gəncə və gəncəlilər” layihəsi çərçivəsində Nizami Gəncəviyə həsr olunan ədəbi-bədii xoreoqrafik musiqili gecə keçirilib. Binanın foyesində dahi şairin həyat və yaradıcılığını əks etdirən fotosərgi, dahi şəxsiyyətə həsr olunmuş kitablar və rəsm əsərləri nümayiş olunub.
Tədbirdə teatrlaşdırılmış səhnələr və şairin sözlərinə bəstələnmiş romanslar səsləndirilib. Həmçinin Filarmoniyanın Kamera Orkestri və solistlərinin, Gəncə Dövlət Dram Teatrının aktyorlarının və "Göygöl" Dövlət Mahnı və Rəqs ansamblının çıxışları olub.
Ədəbi-bədii gecəyə Niyazi Bayramov, Türkiyənin Gəncədəki Baş Konsulu Recep Öztop, YAP Gəncə Şəhər Təşkilatının sədri Bayram Aslanov, Aparatın məsul əməkdaşları və təşkilat rəhbərləri qatılıblar.
[modula id="51027"]
