Gəncədə daha bir toplantı keçirilib. Bu haqda 30 dekabr tarixində İcra Hakimiyyətinə istinadən xəbər veririk.
İcra Hakimiyyətində 31 Dekabr – Dünya Azərbaycanlılarının Həmrəyliyi Günü və Yeni il münasibətilə toplantı keçirilib. Burada Niyazi Bayramov və Aparatın əməkdaşları iştirak ediblər. Şəhər rəhbəri kollektivi təbrik edərək, onlara cansağlığı və işlərində uğurlar arzulayıb.
Niyazi Bayramov cari ildə Gəncə şəhərində həyata keçirilən infrastruktur layihələrindən və növbəti ildə icrası nəzərdə tutulan işlərdən danışıb. Daha sonra onun birinci müavini Səməd Tomuyev çıxış edib. O bildirib ki, qurumun əməkdaşları növbəti ildə də üzərlərinə düşən vəzifə və öhdəliklərin məsuliyyətlə yerinə yetirilməsi üçün çalışacaqlar.
