Gəncədə Niyazi Bayramovun teatr kollektivi ilə görüşü baş tutub. Bu haqda 2 dekabr tarixində İcra Hakimiyyətinə istinadən xəbər veririk.
Şəhər İcra Hakimiyyətinin başçısı Gəncə Dövlət Dram Teatrının İstanbulda V Maltəpə Beynəlxalq Teatr Festivalında iştirak edən bir qrup yaradıcı heyəti ilə görüş keçirib. Görüşdə teatrın uğurlarından və gələcək fəaliyyətindən danışılıb.
Niyazi Bayramov teatrın əməkdaşlarını beynəlxalq festivalda ölkəmizi uğurla təmsil etdikləri üçün təbrik edib. Teatrın aktyorları festivalda E.İoneskonun “Kral ölür” tamaşası ilə çıxış ediblər. Həmçinin Türkiyənin Trabzon, Ankara, Amasya və Gürcüstanın Ozurqeti şəhərlərində də qastrol səfərlərində olub və müxtəlif mükafatlar alıblar.
