Gəncədə kitabxanada şeir saatı təşkil olunub. Bu haqda 21 fevral tarixində Mərkəzləşdirilmiş Kitabxana Sisteminə istinadən xəbər veririk.
1 saylı kitabxanada “Füzuli dühası, Füzuli yaradıcılığı” başlığı altında şeir saatı keçirilib. Tədbir divan janrının möhtəşəm nümayəndələrindən Məhəmməd Füzulinin 530 illiyi münasibətilə baş tutub. Burada 6 saylı tam orta məktəbin şagird kollektivi şairin qəzəllərindən parçalar səsləndiriblər.
Şeir saatında 6 saylı məktəbin müəllimləri Məhəmməd Füzulinin çoxcəhətli bədii fəlsəfəsindən, Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdən bəhs ediblər. Daha sonra şairin yaradıcılığının təbliği ilə bağlı “Məhəmməd Füzuli -530 ” başlıqlı kitab sərgisi təşkil edilib.
