Gəncədə təlim təşkil olunub. Bu haqda 30 noyabr tarixində KOBİM-ə istinadən məlumat veririk.
"Vergi Məcəlləsində 2024-cü il üçün nəzərdə tutulmuş dəyişikliklər" mövzusunda maarifləndirici təlim KOB İnkişaf Mərkəzi (KOBİM) tərəfindən keçirilib. Burada 22 nəfər sahibkar iştirak edib. Təlimdə mərkəzin eksperti tərəfindən Vergi məcəlləsi və son dəyişikliklər barədə ətraflı məlumat verilib.
Həmçinin Vergi məcəlləsində qüvvəyə minəcək dəyişikliklərin müəssisə və fərdi sahibkarların mühasibat uçotuna təsiri, hesabatda nəzərə alınmalı məqamlar haqda danışılıb. Sonda iştirakçıların mövzu ilə bağlı sualları cavablandırılıb.
