Bu gün şəhid Müzakir Əliyev və Müşviq Nəbiyevin doğum günüdür.
Müzakir Qafar oğlu Əliyev 15 oktyabr 1961-ci ildə Gəncədə anadan olub. 22 saylı orta məktəbi bitirib. Ukraynada həqiqi hərbi xidmətdə olub. Daha sonra Daşkəsəndə sürücü işləyib.
O, 1993-cü ildə könüllü cəbhəyə yollanıb. Manqa komandiri vəzifəsində xidmət edib. Kəlbəcər ətrafında döyüşlərdə vuruşub.
Müzakir Qafar oğlu Əliyev 24 may 1993-cü ildə Kəlbəcərdə şəhidlik zirvəsinə ucalıb.
Müşviq Rəcəb oğlu Nəbiyev 15 oktyabr 1972-ci ildə Gəncədə anadan olub. 6 saylı orta məktəbi bitirib. Ticarətlə məşğul olub. 1991-ci ildə AKTA-nın (indiki ADAU) İqtisadiyyat fakültəsinə daxil olub. Lakin universiteti bitirə bilməyib.
1993-cü ilin aprel ayında könüllü olaraq cəbhəyə yollanıb. Bir sıra hərbi nailiyyətlər əldə edib. Ağdamın Muğanlı, Şelli, Mərzili və Laçının Güləbirt kəndində döyüşüb.
Müşviq Rəcəb oğlu Nəbiyev 12 noyabr 1993-cü ildə Beyləqan bölgəsində gedən döyüşlərdə şəhidlik zirvəsinə ucalıb.
