Bu gün şəhid Şahlar Hüseynovun doğum günüdür.
Şahlar İsa oğlu Hüseynov 26 noyabr 1969-cu ildə Gəncədə anadan olub. O, Moskvada hərbi xidmətdə olub. 27 saylı texniki peşə məktəbini bitirib. Alüminium zavodunda çilingər işləməyə başlayıb. 27 fevral 1992-ci ildə könüllü olaraq Gəncə batalyonuna yazılıb.
Tağım komandiri olan Şahlar erməni dilini mükəmməl bildiyi üçün kəşfiyyata gedib, məlumatlar toplayıb. O, Şəfəq kəndində vuruşub, düşmənin xeyli texnika və canlı qüvvəsini məhv edib.
10 aprel 1992-ci ildə Şahlar Hüseynov Şıxarx (keçmiş Marquşevan) kəndində gedən döyüşlərdə şəhidlik zirvəsinə ucalıb.
7 iyun 1992-ci ildə Prezident tərəfindən Milli Qəhrəman adına layiq görülüb. Şəhidimiz Gəncə şəhərinin Şəhidlər xiyabanında dəfn olunub.
