Gəncədə Heydər Əliyev ilinə həsr olunmuş tədbir keçirilib. Bu haqda 6 oktyabr tarixində İcra Hakimiyyətinə istinadən məlumat veririk.
Tədbirdə icra başçısı Niyazi Bayramov, YAP Gəncə şəhər təşkilatının sədri Bayram Aslanov, YAP Mərkəzi Aparatının məsul əməkdaşı Ramil Mirzəyev, millət vəkilləri Musa Quliyev, Pərvin Kərimzadə, Naqif Həmzəyev, Müşfiq Cəfərov, AMEA-nın Gəncə Bölməsinin sədri, akademik Fuad Əliyev, GDU-nun rektoru, professor Yusif Yusibov, ATU-nun rektor vəzifəsini müvəqqəti icra edən Yaşar Ömərov, bələdiyyə sədrləri, idarə, müəssisə, təşkilat rəhbrələri və partiya fəalları iştirak ediblər. Toplantıda ulu öndərin həyat və fəaliyyətindən bəhs edən sənədli film nümayiş olunub.
Burada şəhər rəhbəri N. Bayramov, sədr Bayram Aslanov, millət vəkilləri, partiya veteranı Mobil İmanov, Gəncə Dövlət Universitetinin dosenti Nərgiz Rəsulova, gənc fəallardan Cəvahir Şabanova çıxış ediblər.
Sonra şəhərin ictimai-siyasi həyatında fəal iştirak edən partiya üzvlərinə Fəxri Fərman, YAP sıralarına yeni qoşulanlara üzvlük vəsiqələri təqdim olunub.
