Gəncədə yaşıllaşdırma işləri davam edir. Bu haqda 30 noyabr tarixində MKTİB-yə istinadən məlumat veririk.
Şəhərin müxtəlif ərazilərində yaşıllaşdırma aksiyası təşkil olunur. MKTİB-nin Yaşıllaşdırma şöbəsinin Gülçülük və tingçilik sahəsində becərilən müxtəlif növ ağaclar, dekorativ kollar və güllər park və xiyabanlara, yol kənarlarına köçürülür. Növbəti işlər Şah İsmayıl Xətai prospektində yerləşən dəyirman dairəsi və şəhərin qərb girişi hissəsində yerləşən magistral yolun sağ və sol hissəsində baş tutub.
Adıçəkilən ərazilərə gül kələmi bitkisi əkilib, qazonlar salınıb, mövcud yaşıllıq zolağına aqrotexniki qulluq göstərilib, bitkiləri suvaran su kranları təmir olunub.
Bundan başqa, qurumun digər şöbələri tərəfindən hava limanı yolunun haşiyələri və küçə işıqlandırma dirəkləri təzyiqli su vasitəsilə yuyulub.
