Gəncədə xəstəxanalardan birində pasiyentlər üçün çətinlik yaranıb. Bu haqda Gencexeber.az-a 28 noyabr tarixində məlumat daxil olub.
Söhbət Abbas Səhhət adına Xəstəxanadan gedir. Burada 4 və 5-ci mərtəbələri birləşdirən pilləkənlərin kənarındakı məhəccərlər qırılıb və yararsız hala düşüb. Bu vəziyyət sakinlərin narahatlığına səbəb olub.
Binadakı liftin nasaz işləməsi və məhəccərlərin qırılması səbəbindən sakinlər bədbəxt hadisənin baş verməsindən narahat olduqlarını deyirlər. Onlar təmir işlərinin aparılmasını istəyirlər.
Qeyd edək ki, sözügedən mərtəbələrdə reanimasiya və doğum şöbələri yerləşir.
