Gəncədə növbəti layihə təşkil olunacaq. Bu haqda 13 fevral tarixində Gəncə Dövlət Filarmoniyasına istinadən məlumat veririk.
Proyekt "Musiqi yolu" adlanır. Layihə "Gəncə Dövlət Filarmoniyasından salamlar" və "Gəncə Dövlət Filarmoniyasına salamlar" sloqanları ilə baş tutacaq. Tədbirin əsas məqsədi Bakıda, Gəncə və digər regionların mədəniyyət müəssisələrində, konsert salonlarında fəaliyyət göstərən musiqiçilər arasında musiqi mübadiləsi yaratmaq, əlaqələri inkişaf etdirməkdir.
Layihə Gəncə Dövlət Filarmoniyasında təşkil olunacaq. Buraya sosial şəbəkələr vasitəsilə ölkəmizin bütün regionlarından musiqiçilər qoşulacaqlar.
Bildirilir ki, keçiriləcək layihə, həmçinin yaradıcı insanların tanınmasında böyük rol oynayacaq.
