Gəncədə ölkə turnirində iştirak edəcək komandalar açıqlanıb. Bu haqda Gencexeber.az-a 28 noyabr tarixində məlumat daxil olub.
Respublikanın ən böyük intellektual turniri təşkil olunacaq. Burada iştirak üçün 50 şəhər və rayondan 500 komandadan ibarət 4000-dən çox gənc qeydiyyatdan keçib. İlk mərhələdə 16-29 yaş aralığında gənclər öz şəhər və rayonlarında keçirilən seçim turlarında iştirak edib, qalib komandalar regional zona finalında intellektual mübarizəni davam etdirmək şansı qazanıblar.
Regional zona finallarından biri Nizami yurdunda təşkil olunub. Turnirdə Gəncədən dörd komanda iştirak edib. Burada qalib gələn təmsilçilərimiz “Shinzou wo Sasageyo!”, “Noctua” komandaları “Böyük final”da iştirak edəcəklər.
Qeyd edək ki, son tur 9-10 dekabr tarixlərində Qubada keçiriləcək. Yarışda 20-si Bakı və 12-si region olmaqla toplam 32 komanda mübarizə aparacaq.
İştirakçılar “Nə? Harada? Nə zaman?”, “Kviz”, “Breyn-Rinq” və “Erudit Kvartet” oyunlarında biliklərini sınayacaqlar.
