Şəhər İcra Hakimiyyətinin başçısı həlak olan hərbçinin qırx mərasimində iştirak edib. Bu haqda 13 fevral tarixində İcra Hakimiyyətinə istinadən xəbər veririk.
Bu gün Laçında avtomobil qəzası nəticəsində həlak olan hərbçi Həsən İsmayılovun qırx mərasimidir. Niyazi Bayramov Şəhidlər xiyabanına gələrək mərhumun məzarını ziyarət edib. O, mərhumun ailə üzvləri ilə görüşüb, başsağlığı verib.
Ziyarətdə, həmçinin Türkiyənin Gəncədəki Baş konsulu Recep Öztop, YAP Gəncə Şəhər Təşkilatının sədri Bayram Aslanov, Azərbaycan Texnologiya Universitetinin rektor əvəzi Yaşar Ömərov, Aparatın məsul əməkdaşları, Səfərbərlik və Hərbi Xidmətə Çağırış üzrə Dövlət Xidmətinin Gəncə şəhər Nizami və Kəpəz rayonları şöbələrinin rəisləri, bələdiyyə sədrləri, idarə, müəssisə və təşkilat rəhbərləri iştirak ediblər.
Xatırladaq ki, 4 yanvar 2024-cü il tarixində saat 09:30 radələrində Laçın rayonunun Minkənd kəndində çətin relyefli dağlıq ərazidə “Ural” markalı hərbi nəqliyyat vasitəsi qəzaya uğrayıb. Qəza nəticəsində Azərbaycan Ordusunun hərbi qulluqçuları Həsən İsmayılov və Səxavət Axundov həlak olublar, daha doqquz hərbçimiz isə xəsarət alıb.
[modula id="54739"]
