Gəncədə sürücülərdən biri yol hərəkəti qaydalarını pozub. Bu haqda 12 yanvar tarixində Patrul.az-a istinadən məlumat veririk.
Sosial şəbəkələrdə bir nəfərin sükan arxasına azyaşlı ilə əyləşərək avtomobili idarə etməsi görüntüləri yayılıb. Məsələ ilə bağlı Daxili İşlər Nazirliyi müvafiq tədbirlər görüb.
Qurumun Mətbuat Xidmətinin Gəncə regional qrupunun baş inspektoru polis kapitanı Eşqin Qasımov açıqlama verib. O bildirib ki, Gəncə Şəhər Baş Polis İdarəsinin Dövlət Yol Polisi Şöbəsində müvafiq araşdırmalar aparılıb. Nəticədə “Mersedes” markalı avtomobilin sürücüsü Rövşən Məmmədov barəsində İnzibati Xətalar Məcəlləsinin müvafiq maddəsi ilə inzibati protokol tərtib olunub.
