Gəncədə ali təhsil müəssisəsində vakansiyalar elan edilib. Bu haqda 28 noyabr tarixində ADAU-ya istinadən məlumat veririk.
Söhbət Azərbaycan Dövlət Aqrar Universitetindən gedir. Universitetə kitabxana müdiri və psixoloq tələb olunur. İlk vakansiya üzrə tələblər aşağıdakılardır:
- Kitabxanaçılıq və informasiya üzrə ali təhsil;
- 1 ildən az olmayan iş stajı;
- Yüksək ünsiyyət bacarığı;
- Analitik düşüncə bacarığı;
- Təşkilatçılıq bacarığı;
- Elektron kitabxana ilə işləmək üçün bilik və bacarıqlar;
- Müvafiq kompüter bilikləri (MS Office,MS Word, MS Excel, MS Access və s.);
- Azərbaycan dilini mükəmməl bilmək, (rus və ingilis dilləri üstünlükdür);
- Kollektivdə bir komanda ilə işləmək bacarığı.
Psixoloq vakansiyası üzrə isə aşağıdakı tələblər var:
- Psixologiya,Təhsildə sosial psixoloji xidmət sahəsində ali təhsil;
- 1 ildən az olmayan iş stajı;
- İnsan (xüsusilə tələbə) psixologiyasına bələd olmaq;
- Psixoloji korreksiya sahəsində yenilikləri daim izləmək;
- Müşahidə qabiliyyəti;
- Analiz etmək bacarığı;
- Mübahisə psixologiyasına bələd olmaq (konfiliktologiya);
- Müəllim - tələbə - valideyn üçbucağında empatiya qurmağı bacarmaq;
- Analitik düşüncəyə malik olmaq;
- Qeyri-standart vəziyyətlərdə qərar qəbul etməyi bacarmaq.
Vakansiyalar üzrə son müraciət tarixi 15 dekabrdır. Namizədlər öz CV-lərini hr@adau.edu.az ünvanına göndərə bilərlər. Bunun üçün mütləq mövzu bölməsində vakansiyanın adını ("Psixoloq" və ya "Kitabxana müdiri") yazmaq lazımdır.
