Gəncədə daha bir memorandum imzalanıb. Bu haqda 17 fevral tarixində Azərbaycan Texnologiya Universitetinə istinadən məlumat veririk.
Almaniyanın Trier Tətbiqi Elmlər Universitetinin professoru doktor Patrik Ziqfrid Azərbaycan Texnologiya Universitetində olub. O, UTECA-nın rektor əvəzi Yaşar Ömərovla görüşüb. Burada uzunmüddətli əməkdaşlığın perspektivləri, eləcə də birgə həyata keçirilə biləcək planlar müzakirə edilib.
Sonda iki universitet arasında əməkdaşlıq memorandumu imzalanıb. Daha sonra Patrik Ziqfridin “Ərzaq iqtisadiyyatında davamlı konseptlər” mövzusunda elmi seminarı baş tutub. Seminarda professor-müəllim heyətinin üzvləri, magistr və doktorantlar iştirak ediblər. Burada müvafiq sahənin aktual problemləri müzakirə olunub.
