Unibank Kommersiya Bankı (KB) ölkənin futbol tarixində özünəməxsus yeri olan “Kəpəz” Peşəkar Futbol Klubunun inkişafına dəstək verəcək.
Gencexeber.az-ın məlumatına əsasən, bu məqsədlə tərəflər arasında sponsorluq müqaviləsi imzalanıb.
Müqaviləyə əsasən, Unibank klubun əsas sponsoru qismində çıxış edəcək və “Kəpəz”in inkişafına maliyyə dəstəyi göstərəcək.
Məqsəd yalnız bir futbol klubuna dəstək deyil – bölgədə idmanın, xüsusən gənclər arasında futbola marağın yenidən güclənməsinə töhfə verməkdir.
Unibank KB ASC-nin İdarə Heyəti sədrinin vəzifəsini müvəqqəti icra edən Heybət Qədirov klubla imzalanan müqaviləni Bankın idmana dəstək strategiyasının davamı kimi qiymətləndirib.
“Kəpəz” Peşəkar Futbol Klubu İctimai Birliyi İdarə heyətinin üzvü Fərman Əli Zadə bu dəstəyi klubun yeni mərhələyə keçidi üçün mühüm addım kimi dəyərləndirib.
