"Kəpəz" növbəti transferini rəsmiləşdirib.
Sports.аz xəbər verir ki, Gəncə təmsilçisi Tacikistan milli komandasının yarımmüdafiəçisi Şervoni Mabatşoyevlə müqavilə imzalayıb. Mabatşoyev yığmasının heyətində 29 oyuna çıxıb, 6 qol vurub. 24 yaşlı futbolçu Tacikistan futbol tarixinin ən böyük uğurunun memarlarındandı.
2023-cü ildə final mərhələsi Qətərdə keçirilən Asiya Kubokunda onun əsas heyət üzvü olduğu komanda 1/4 finaladək irəliləməyi bacarıb. Mabatşoyev bunacan ölkəsində "Barkçi", CSKA, “Pamir Düşənbə” və "İstiklol" komandalarında çıxış edib.
Gəncə klubundan xəbəri təsdiqləyiblər.
