Ağstafada məktəbdə pedaqoqlar arasında mübahisə zamanı qadın müəllimənin döyüldüyü bildirilir.
Gencexeber.az-ın məlumatına görə, hadisə Ağstafa şəhərində yerləşən Əmirxan Hüseynov adına 1 nömrəli tam orta məktəbdə baş verib.
1981-ci il təvəllüdlü ibtidai sinif müəlliməsi Pərvanə Məmmədova xəsarət alaraq Ağstafa Rayon Mərkəzi Xəstəxanasına müraciət edib. Ona qol nahiyəsinin əzilməsi və cırılmış yara diaqnozu qoyulub. Müəlliməyə tibbi yardım göstərilib və vəziyyətinin kafi olduğu bildirilir.
İlkin məlumata görə, Pərvanə Məmmədovanı həmin məktəbin pedaqoqu Sevinc Əhmədova döyüb. Zərərçəkənin sözlərinə əsasən, hadisə dərslə bağlı aralarında yaranan mübahisə zamanı baş verib.
Hazırda hadisə ilə bağlı aidiyyəti qurumların əməkdaşları tərəfindən araşdırma aparılır.
