Samux rayonunda 22 yaşlı oğlan anasına bıçaqla ağır xəsarət yetirməkdə ittiham olunub.
2004-cü il təvəllüdlü Rəvan yaşadıqları evdə anası Mədinə (adlar şərtidir) ilə mübahisə edən zaman onu bıçaqlayıb.
Rəvanın barəsində Cinayət Məcəlləsinin 126.1-ci maddəsi ilə ittiham elan edilib.
İş üzrə təqsirləndirilən şəxs qismində ifadə verən Rəvan ona elan olunmuş ittiham üzrə özünü təqsirli bilməyib. O, ifadəsində göstərib ki, özünə xəsarət yetirmək istədiyi vaxt anası qabağına keçib və ehtiyatsızlıqdan bıçaq anasına dəyib.
Təqsirləndirilən şəxs özünə xəsarət yetirməyinin səbəbinin ailə və evlə bağlı problemlər, eləcə də maddi çətinliklərlə əlaqədar olduğunu bildirib.
İş üzrə zərərçəkmiş Mədinənin sözlərinə görə, Rəvan çox əsəbi olub.
Zərərçəkmiş şəxs bildirib ki, hadisədən əvvəl oğlu ona yaxınlaşaraq "ana, məni bağışla" deyib. Bundan dərhal sonra oğlu əlində olan bıçaqla onun qarın nahiyəsinə bir dəfə vurdu. Qadın deyib ki, baş verən hadisəni dərhal anlamayıb, oğlum isə qanı gördükdən sonra hadisə yerindən qaçıb.
Gəncə Ağır Cinayətlər Məhkəməsinin hökmü ilə Rəvan 3 il müddətə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.
