Gəncədə sənaye sahəsində çalışan işçilərin sayı son illərdə azalsa da, onların orta aylıq əməkhaqqında artım qeydə alınıb.
Gencexeber.az-ın Dövlət Statistika Komitəsindən əldə etdiyi məlumatına əsasən, 2021-ci ildə Gəncədə sənaye sahəsində 7 253 nəfər muzdlu işçi çalışıb. Bu göstərici 2022-ci ildə 7 400, 2023-cü ildə 7 256, 2024-cü ildə 6 857, 2025-ci ildə isə 6 720 nəfər olub.
Beləliklə, 2021-ci illə müqayisədə 2025-ci ildə sənayedə çalışan işçilərin sayı 533 nəfər və ya 7,4 faiz azalıb.
Bununla yanaşı, sənaye işçilərinin orta aylıq nominal əməkhaqqı yüksəlib. 2021-ci ildə 527,2 manat olan orta əməkhaqqı 2022-ci ildə 608,6, 2023-cü ildə 692,6, 2024-cü ildə 718,4, 2025-ci ildə isə 789,4 manat təşkil edib.
Beləliklə, 5 il ərzində Gəncədə sənaye işçilərinin orta aylıq əməkhaqqı 262,2 manat və ya 49,7 faiz artıb.
