Gəncə-Daşkəsən Regional Təhsil İdarəsinin müdiri Elçin Kərimov tərəfindən təhsil müəssisələrinin (məktəbəqədər, ümumi və məktəbdənkənar) əməkdaşları ilə fərdi və kollektiv formada görüşlər (qəbul) keçiriləcək.
Gencexeber.az bildirir ki, bu barədə regional idarə məlumat yayıb.
Bildirilib ki, görüşlərdə təhsil müəssisələrinin əməkdaşlarının təklif, müraciət və şikayətləri dinləniləcəkdir. İştirak etmək istəyən təhsil işçiləri link vasitəsilə 08 yanvar saat 18:00-dək qeydiyyatdan keçə bilərlər.
Görüşün keçirilmə tarixi və məkan barədə qeydiyyatdan keçmiş şəxslərə sms və ya zəng vasitəsilə əlavə məlumat veriləcəkdir.
