Tovuz rayonunda məktəb müəlliminin valideynlərdən hədiyyə adı ilə zinət əşyası tələb etdiyi söylənilir.
Gencexeber.az xəbər verir ki, sosial şəbəkələrdə yayılan videogörüntülərdə Əlimərdanlı kənd M.Musayev adına tam orta məktəbdə çalışan Günel adlı müəllimə üçün xüsusi tədbir keçirildiyi görünür. Kadrlarda bir neçə qadının növbə ilə müəllimənin barmağına qızıl üzük taxdığı müşahidə olunur.
Sözügedən görüntülər cəmiyyətdə narazılıq yaradıb və müzakirələrə səbəb olub.
Qazax-Tovuz Regional Təhsil İdarəsi məsələdən xəbərdar olduqlarını və hazırda araşdırma aparıldığını bildirib. Yekun nəticələr ictimaiyyətə təqdim olunacaq.
