Gəncədə vətəndaşların aldığı pensiyanın məbləği bəlli olub. Bu haqda 30 noyabr tarixində Fed.az-a istinadən məlumat veririk.
Dövlət Statistika Komitəsi ölkədə oktyabr ayının 1-nə olan adambaşı pensiyanı açıqlayıb. Bölgələr üzrə reytinqdə Nizami yurdu 9-cu yerdə qərarlaşıb. Məlumata əsasən, şəhərimizdə orta aylıq təqaüd 361 manat 77 qəpik təşkil edir.
Qeyd edək ki, bu göstərici respublika üzrə 436 manat 28 qəpikdir. Siyahıda ilk sıralarda Bakı şəhəri (594,38 manat), Naxçıvan MR (405,22 manat) və Zəngilan rayonu (394,58 manat) yer alıb.
