Yekaterinburqda yaşayan Azərbaycan diasporunun qazaxlı rəhbəri Şahin Şıxlinskinin oğlu Mütvalı Şıxlinski barəsində çıxarılan həbs-qətimkan tədbirindən apellyasiya şikayəti verilib.
Gencexeber.az Rusiya mediasına istinadən xəbər verir ki, Leninski Rayon Məhkəməsi vəkildən daxil olan apellyasiya müraciətini qəbul edib.
Xatırladaq ki, iyulun əvvəlində xüsusi təyinatlılar “Baku Plaza” ticarət mərkəzinin yaxınlığında Şahin Şıxlinski və onun oğlu Mütvalını saxlayıblar. Dindirmədən sonra Şahin Şıxlinski sərbəst buraxılsa da, istintaq orqanlarının məlumatına görə, onun oğlu saxlanılarkən hüquq-mühafizə orqanlarına müqavimət göstərib.
Nəticədə Yekaterinburqun Leninski Rayon Məhkəməsi Mütvala Şıxlinski barəsində sentyabrın 14-dək həbs-qətimkan tədbiri seçib. Hazırda vəkilin apellyasiya şikayəti üzrə məhkəmə qərarı gözlənilir.
