Avtomat hidroloji stansiyaların iyunun 07-də saat 9:00-a olan məlumatına əsasən bir neçə gündür bölgələrdə davam edən intensiv yağıntılar ilə əlaqədar bəzi çaylarda sululuq artıb.
Gencexeber.az-a Milli Hidrometeorologiya Xidmətindən verilən məlumata əsasən, Kiçik Qafqaz ərazisindən axan Əsrikçayda 4 sm, Kürəkçayda 3 sm və Zəyəmçayda 2 sm artım qeydə alınıb.
Qeyd edək ki, Kiçik Qafqazın şimal-şərq yamacından axan Gəncəçay, Ağstafaçay, Tovuzçay, Əsrikçay, Zəyəmçay, Şəmkirçay, və Kürəkçay — Kürə qovuşaraq, onun sağ qollarını əmələ gətirir. Əsasən yağış (70%) qismən qar və yeraltı sularla qidalanır.
