Qazaxda gecə saatlarında baş verən güclü külək nəticəsində yaşayış binasının dam örtüyünün bir hissəsi uçub.
Gencexeber.az-ın məlumatına görə, hadisə Azadlıq küçəsi, 208 ünvanında yerləşən beşmərtəbəli çoxmənzilli binada qeydə alınıb. Güclü külək nəticəsində binanın 1950 kvadratmetr olan dam örtüyünün təxminən 300 kvadratmetrlik hissəsi uçub.
Xoşbəxtlikdən hadisə zamanı xəsarət alan olmayıb. Hazırda şəhərdə küləkli hava şəraiti səngiyib.
