Gəncə Ağır Cinayətlər Məhkəməsində mənimsəmədə təqsirləndirilən şəxsin cinayət işi üzrə məhkəmə istintaqı başa çatıb. Bu haqda 21 yanvar tarixində Oxu.az-a istinadən xəbər veririk.
Məhkəmənin hökmü ilə Kazım Məmmədov 4 il 10 ay 9 gün müddətinə azadlıqdan məhrum edilib. O, cəzasını ümumi rejimli cəzaçəkmə müəssisəsində çəkəcək. Kazım Məmmədov hakim Faiq Mahmudovun sədrliyi ilə keçirilən məhkəmə iclas zalında həbsə alınıb.
“Gold Kredit" MMC-nin direktoru olan Kazım Məmmədov lombarda qızıllarını girov qoyan vətəndaşların əşyalarını mənimsəyib.
Cinayət materiallarında qeyd edilib ki, təqsirləndirilən şəxs 40-a yaxın zərərçəkmişin ümumilikdə 76.503 manat pulunu mənimsəmə yolu ilə ələ keçirib.
