Gəncəli reperin Şəmkirdə tikdirdiyi fermanı sökürlər. Bu haqda 21 fevral tarixində Oxu.az-a istinadən xəbər veririk.
Nəvai Bəkirov Rusiya şou-biznesində “Navai” təxəllüsü ilə fəaliyyət göstərir. O, məşhur “HammAli&Navai” duetinin keçmiş solisti olub.
Həmyerlimizin sözlərinə görə, Şəmkirdəki aidiyyəti təşkilat tikintiyə mane olub və onu ləğv eləmək üçün söküntüyə başlayıb:
“Dubay və Tailanddan sonra kəndə gəldim və ilhamlandım. Qərara gəldim ki, dünya dərdlərindən uzaq dura biləcəyim, təbiətə və heyvanlara daha yaxın ola biləcəyim yer tikim. Torpaq nənəmin mülkü olduğu üçün tikintiyə başladım. Məlum oldu ki, bu torpaq əkinçilik üçün nəzərdə tutulub, əslində elə gördüyüm iş də budur, ancaq dedilər “yox!” və sökməyə başlayıblar” deyə reper bildirib.
Bir neçə gün öncə gəncəli sənətçinin Talış kəndində ferma tikdirməyə başlaması barədə xəbər vermişdik.
