Sentyabrın 5-6-da Göygöl rayonunun Kəşkü kəndində keçiriləcək III Moruq Festivalı çərçivəsində zəngin konsert proqramları təşkil olunacaq.
Gencexeber.az məlumat verir ki, festivalın proqramı çərçivəsində sentyabrın 5-də saat 18:00-dan 21:00-dək musiqiçilərin ifasında konsert proqramı təqdim ediləcək. Həmin gün saat 21:00-dan 22:00-dək DJ çıxışı, 22:00-dan 23:00-dək isə film nümayişi nəzərdə tutulub.
Festivalın ikinci günü – sentyabrın 6-da isə saat 18:00-dan 20:00-dək musiqiçilərin ifasında konsert proqramı keçiriləcək. Saat 20:00-dan 21:00-dək isə DJ proqramı ilə festivalın yekun tədbiri baş tutacaq.
Festival çərçivəsində konsert proqramında bir sıra tanınmış sənətçilərin və musiqi kollektivlərinin çıxışı nəzərdə tutulur.
Festivalda Xalq artisti Şahnaz Haşımova, Nərmin Kərimbəyova, Nadir Bayramlı, Mənzurə Musayeva, Nurlan Babayev, Ləman Əliyeva, eləcə Dilara Hüseynova çıxış edəcəklər.
Qeyd edək ki, iştirak etmək istəyən vətəndaşların tədbir ərazisinə rahat gediş-gəlişinin təmin olunması məqsədilə xüsusi avtobuslar təşkil edilib. Avtobuslar sentyabrın 5-6-da saat 10:00-dan etibarən Göygöl Rayon Avtovağzalının qarşısından yola düşərək vətəndaşları Üçbulaq kəndində yerləşən festival ərazisinə aparacaq.
