Gəncə təmsilçisi ev oyunları üçün yeni stadion seçib. Bu haqda 11 oktyabr tarixində Bizim.media-ya istinadən məlumat veririk.
Bir müddət öncə Gəncə şəhər stadionunun yenidən inşa olunması haqda xəbər paylaşmışdıq. İşlərin başlanması ilə əlaqədar “Kəpəz” bir müddət ev oyunlarını başqa şəhərdə keçirməli olacaq.
Bunun üçün klub Bakı və Qəbələni seçə bilərdi. Lakin “sarı-göylər” ev oyunlarını Tovuz şəhərində keçirmək qərarı alıb. “Turan Tovuz” ilkin olaraq, “Kəpəz”in təklifini geri çevirsə də, sonradan tərəflər arasında razılıq əldə olunub.
Xatırladaq ki, Gəncə şəhər stadionunun yenidən layihələndirilmə və tikintisi üçün Prezident ilkin olaraq, 1 milyon manat ayırıb.
