Azərbaycanda ilk dəfə qonokokk infeksiyası (cinsi yolla keçən infeksiya - red.) diaqnozu qoyulan 14-29 yaşlı gənclərin sayı 2025-ci ildə 125 nəfər olub. Bu, 2024-cü illə müqayisədə 31 nəfər və ya təxminən 20% azdır.
Bu barədə Dövlət Statistika Komitəsindən bildirilib.
2025-ci ildə diaqnoz qoyulan gənclərin 119-u kişi (95%), 6-sı qadın (5%) olub. 2024-cü ildə isə 152 kişi və 4 qadın qeydə alınmışdı.
14-17 yaş qrupunda göstərici 2024-cü ildə 2, 2025-ci ildə 4 nəfər olub.
18–29 yaş qrupunda isə ilk dəfə diaqnoz qoyulanların sayı 154-dən 121-ə düşüb.
Ümumilikdə, ölkədə ilk dəfə qonokokk infeksiyası diaqnozu qoyulanların sayı 2025-ci ildə 180 nəfər olub. 2024-cü ildə bu göstərici 233 nəfər idi.
Tibb müəssisələrində qonokokk infeksiyası üzrə qeydiyyata düşənlərin sayı 2025-ci ildə 87 nəfər olub.
Mənbə: anews.аz
