Gəncə şəhərinin Nizami Gəncəvi prospektində avtomobil yolunda yaranmış çökəklik sürücülər üçün təhlükə yaradır.
Gencexeber.az məlumat verir ki, bir müddət əvvəl kommunal xətlərin təmiri məqsədilə ərazidə asfalt örtüyü qazılıb. Lakin işlər başa çatdıqdan sonra yolun səthi bərpa edilməyib.
Oxşar vəziyyət şəhərin Şahsevənlər küçəsində də müşahidə olunur. Hərəkətin intensiv olduğu ərazidə yolda yaranmış nahamarlıqlar avtomobillərin hərəkətinə mane olur və təhlükəsizlik baxımından risk yaradır.
Sözügedən ərazilərdə yol örtüyünün bərpası və çökəkliklərin aradan qaldırılması zəruridir.
