Gəncədə küçələrdən birinə şəhid Rəhman Sayad oğlu Dünyamalıyevin adı verilib.
Gencexeber.az məlumat verir ki, küçədə bunu əks etdirən məlumat lövhəsi yerləşdirilib.
Qeyd edəki ki, Rəhman Dünyamalıyev 1964-cü il oktyabrın 20-də Gəncə şəhərində anadan olub. 1991-ci il dekabrın 21-də Kəpəz Rayon Hərbi Komissarlığı tərəfindən ordu sıralarına çağırılan igidimiz ilk günlərdən Əsgəran istiqamətində gedən döyüşlərdə iştirak edib.
Naxçıvanik kəndi uğrunda gedən döyüşlərin birində ağır yaralanan Rəhman Dünyamalıyev 10 gün erməni əsirliyində qalıb və işgəncələrə məruz qalaraq qətlə yetirilib.
1992-ci il fevralın 3-də şəhid olan Rəhman Dünyamalıyev Gəncənin Şəhidlər xiyabanında dəfn edilib. Oğlunun ölümünə dözməyən atası Sayad Dünyamalıyev 40 mərasimi günü vəfat edib.
Qeyd edək ki, şəhid ailəli olub və bir oğlu yadigar qalıb.
