Futbol matçından sonra bıçaqlanan şəxsin vəziyyəti açıqlanıb. Bu haqda 2 fevral tarixində futbol klubuna istinadən məlumat veririk.
Məlumat verdiyimiz kimi, “Səbail” - “Kəpəz” qarşılaşmasından sonra təmsilçimizin azarkeşi Rahib Ələsgərov mübahisə zamanı bıçaqlanıb. O, 1 saylı Şəhər Klinik Xəstəxanasında əməliyyat olunub. Gənc reanimasiyadan adi palataya köçürülüb. Qarşıdakı günlərdə evə buraxılacaq.
“Kəpəz”in idarə heyətinin sədri İlqar Nadiri və millət vəkili Müşfiq Cəfərov Ələsgərovu ziyarət ediblər. Azarkeşin vəziyyəti ilə maraqlanan klub rəhbərliyi ona şəfa diləyib, tezliklə tribunaya dönməsini arzulayıb.
