Gəncədə ilk dəfə hotellərdən biri 4 ulduz təsnifatının sertifikatı ilə təltif olunub. Bu haqda Gencexeber.az-a 21 dekabr tarixində məlumat daxil olub.
Azərbaycan Respublikasının Dövlət Turizm Agentliyi "Premium Hotel"ə 4 ulduz təsnifatının sertifikatını təqdim edib. Bundan sonra hotelin adı Avropa Ulduz Təsnifatı Birliyinin (Hotelstars Union) veb səhifəsində yer alıb.
Qeyd edək ki, "Premium Hotel"də toplam 28 otaq var. Onlardan 12 standart, 12 delyuks və 4 suit otaqlardır. Qiymətlər 1 nəfər üçün 70, 2 nəfər üçün isə 80 manatdır. Suit otaqlarında gecələmək 130 manat təşkil edir.
Hotelin restoranı (Premium Restoran) və barı həm hotel qonaqları, həm şəhər sakinləri üçün fəaliyyət göstərir. Hər səhər saat 7:00-dan 10:00-dək açıq bufetdə limitsiz səhər yeməyi verilir. Bir nəfər üçün qiymət 10 manat təşkil edir.
[modula id="29825"]
