Bu ərazilərdə işıq olmayacaq
Yenidənqurma işləri ilə əlaqədar bu gün Şəmkir və Göygöldə elektrik enerjisinin verilişində müvəqqəti məhdudiyyət yaranacaq.
Gencexeber.az məlumat verir ki, elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə bu gün Şəmkir və Göygöl Elektrik Şəbəkələrinin (EŞ) xidməti ərazilərində bir sıra 10 kV-luq hava xətlərində yenidənqurma işləri aparılacaq.
Görüləcək işlərlə əlaqədar Şəmkirin Çinarlı kəndində saat 10:00-dan 12:00-dək elektrik enerjisinin verilişində məhdudiyyət tətbiq ediləcək.
Həmçinin Göygöl rayonu Əlimədədli və Nadil kəndlərində saat 14:00-dan 16:00-dək enerjinin verilişində qısa müddətli fasilə yaranacaq.
Yenidənqurma işləri yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
