Milli Qəhrəman Hökumə Əliyevanın xatirəsinin əbədiləşdirilməsi məqsədilə Samux rayonunun Alıuşağı kəndində xatirə muzeyinin açılışı olub.
Gencexeber.az-ın məlumatına əsasən, açılışda AZAL-ın nümayəndələri, H.Əliyevanın yaxınları iştirak ediblər.
H.Əliyevanın yaxınları tərəfindən inşa edilən muzeydə Hökumə Əliyevanın həyat və fəaliyyətini əks etdirən fotoşəkillər, şəxsi əşyalar və digər yaddaş materialları sərgilənəcək.
Qeyd edək ki, bu gün Hökumə Əliyevanın doğum günüdür. O, Samux rayonunun Alıuşağı kəndində böyüyüb.
Xatırladaq ki, Hökumə Əliyeva 2024-cü il dekabrın 25-də Bakıdan Qroznıya uçan “Azərbaycan Hava Yolları”na (AZAL) məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində həlak olub. Prezident İlham Əliyevin sərəncamı ilə o, “Azərbaycanın Milli Qəhrəmanı” fəxri adına layiq görülüb.
