Gəncədə əsas kapitala ayrılan vəsait bəlli olub. Bu haqda 2 dekabr tarixində Fed.az-a istinadən xəbər veririk.
Şəhər Statistika İdarəsinin məlumatına əsasən, cari ilin ilk 9 ayı ərzində əsas kapitala 92 milyon manat vəsait yatırılıb. Bu göstəricilər ötən ilin müvafiq dövrü ilə müqayisədə 14 milyon manat və ya 17,5 faiz çoxdur.
Bildirilir ki, əsas investor dövlət qurumlarıdır. Vəsaitlərin 82,6 faizi onların payına düşür. Qeyri-dövlət sektoru isə yatırımların 17,4 faizini təmin edib.
Ümumi məbləğin 81,7 milyon manatı (88,8 faizi) bilavasitə tikinti-quraşdırma işlərinin yerinə yetirilməsinə sərf olunub. Ötən ilin ilk 9 ayı ilə müqayisədə bu, 13,3 faiz çoxdur.
Bundan başqa, tikinti işlərinin statistikası açıqlanıb. Bu ilin yanvar-sentyabr aylarında şəhərdə tikinti müəssisələri və fərdi sahibkarlar tərəfindən 34,1 milyon manatlıq tikinti işləri görülüb.
Onların 22,1 milyon manatı (65 faizi) şirkətlər, 12 milyon manatı isə (35 faizi) fərdi sahibkarlar tərəfindən həyata keçirilib.
