Gəncədə küçə ticarətinə qarşı monitorinqlər davam edir.
Gencexeber.az-a Gəncə Şəhər İcra Hakimiyyətindən verilən məlumata əsasən, qurum şəhər ərazisində qanunsuz küçə ticarətinin qarşısının alınması istiqamətində monitorinqlər davam etdirilir.
Pərakəndə ticarət hallarının daha çox müşahidə olunduğu ərazilərdə keçirilən reydlər zamanı aşkar edilən neqativ halların aradan qaldırılması məqsədilə qanunvericiliyə uyğun tədbirlər görülür.
Belə ki, şəhərin Zülfüqar İsmayılov küçəsində küçə ticarəti ilə məşğul olan şəxslərlə maarifləndirici və izahedici söhbətlər aparılıb, onlara qanunvericiliyin tələbləri izah edilib. Ərazi qanunsuz qurulan piştaxtalarından təmizlənib.
