Bu gün şəhid Aydın Rüstəmovun doğum günüdür.
Gencexeber.az xatırladır ki, Aydın Elxan oğlu Rüstəmov 17 avqust 1997-ci ildə Gəncədə anadan olub. 2015-ci ildə Gəncə şəhəri 32 saylı tam orta məktəbi bitirib. Həmin il Gürcüstan Respublikasının Tbilisi şəhərindəki Avropa Texniki Universitetinə qəbul olunub.
2019-cu ildə 4-cü kurs tələbəsi olarkən, həqiqi hərbi xidmətə çağırılıb. Vətən müharibəsi zamanı Füzuli istiqamətində gedən döyüşlərdə yaralanıb. Aydın ilkin tibbi yardım göstərildikdən sonra döyüşə davam edib.
Aydın Elxan oğlu Rüstəmov 8 oktyabr 2020-ci ildə Füzuli rayonu ərazisində gedən döyüşlərdə şəhidlik zirvəsinə yüksəlib. 7 noyabr tarixində Gəncə şəhərinin Şəhidlər xiyabanında torpağa tapşırılıb.
Şəhidimiz ölümündən sonra "Vətən uğrunda" və "Füzulinin azad olunmasına görə" medalları ilə təltif olunub.
